قضت الدائرة الجناحية السادسة بالمحكمة الابتدائية بتونس، مساء يوم الإثنين 7 فيفري 2022،  بالسجن مدّة شهر واحد مع خطية مالية قدرها 100 دينار في حق عماد دغيج وموقوف ثانٍ معه وذلك على خلفية الأحداث التي شهدتها العاصمة يوم 14 جانفي 2022. 

النائب الراديكالي سيف الدين مخلوف نشر تدوينة على صفحته الرسمية بالفيسبوك يوم أمس الإثنين، عاد من خلالها على حيثيات المرافعة  التي تمّت يوم أمس لدغيج و وصفها بـ '' التاريخية'' ووصف الراديكالي عماد دغيج بـ '' المناضل المعتقل''.  

الناشط الإسلامي الراديكالي عماد دغيج أكّد في مرافعته أمام القاضية أنّه نزل للمشاركة في احتجاجات 14 جانفي المنقضي ولا علم له بقرارات وزارة الداخلية بمنع هذه التحركات. كما أنكر  الاعتداء على تسعة  أمنيين أثناء حدوث الاشتباكات. 

وجاء في أقواله ''السيدة الرئيسة وقت اللي توجهولي الأعوان واعتقلوني كان يوجه فيهم أحد القيادات خصيصا ليّ انا وقالولي عنا تعليمات من فوق باش نوقفوك ..

السيدة الرئيسة انا علاقتي بالامنيين كانت ديما باهية ويحترموني ونحترمهم كي يبداو يخدموا في خدمتهم وعمري ما انخرطت في أعمال عنف ..

السيدة الرئيسة انا بالنسبة ليا ضميري مرتاح وعلاش نقلك اللي الملف هذا مآله معادش يهمني لانه يكفيني انه في المكافحة مع 9 أعوان أمن اللي ادعاو إني ضربتهم حتى واحد فيهم ما نجم اهز عينوا في عيني وتحديتهم أي واحد فيهم يحلف على المصحف الي انا اعتديت عليه لكنهم رفضوا .. وهذا مسجل عندك في الملف ..

السيدة الرئيسة انا مستهدف لانه مازلت كي برأتني محكمتكم من قضية كيدية مماثلة فبركت لي سنة 2014 ودُعيت هذا الشهر من إحدى الفرق الأمنية لسماعي كمتضرر بعد تبريئتي''.

للاشارة،  تم يوم 17 جانفي اقرار الإيداع بالسجن في حق 6 متظاهرين هم: عماد دغيج، منير اللواتي، السبتي بالخيري، فتحي خليفة، ماهر اليعقوبي وأحمد بوكدوس.

ي.ر